Расіянін расправіўся з жонкай-паліцэйскай і адправіўся на вайну ва Украіну

• 17.09.2025, 20:48

Андрей Молодченков напаў з нажом на жонку каля яе дома.

У Ніжагародскай вобласці мужчына, які забіў жонку-паліцэйскую, пайшоў на вайну ва Украіну. Пра гэта паведамляе NN.ru.

Паводле даных партала, восенню 2024 года Андрей Молодченков напаў з нажом на жонку каля яе дома. У той момант яны былі ў працэсе разводу, бо пасля 27 гадоў шлюбу муж пайшоў да іншай жанчыны.

Паводле даных следства, ён загадзя рыхтаваў злачынства і 25 кастрычніка дачакаўся жонку каля дома і напаў на яе, калі яна села ў аўтамабіль. Пацярпелая працавала ў паліцыі. Мужчына нанёс ёй некалькі нажавых раненняў, якія аказаліся несумяшчальныя з жыццём. Затым ён адвёз цела на бераг ракі Акі і закапаў.

Молодченкова затрымалі, і ён паказаў месца з целам. Была ўзбуджаная крымінальная справа. Цяпер вытворчасць па справе прыпынілі, бо абвінавачаны заключыў кантракт з Міністэрствам абароны РФ і пайшоў на «СВА».