У Калінкавічах чатырохгадовае дзіця апынулася за рулём аўтамабіля

• 17.09.2025, 16:21

Ён змог выехаць на дарогу.

У Калінкавічах за рулём аўтамабіля заўважылі чатырохгадовае дзіця. Інцыдэнт зафіксавалі камеры відэаназірання, супрацоўнікі ДАІ неадкладна адрэагавалі.

Перш чым малы апынуўся за рулём, бацька перавозіў яго ў аўтамабілі без дзіцячага аўтакрэсла, што ўжо з’яўляецца парушэннем правілаў.

Але гэтага даросламу было недастаткова. Пазней ён пасадзіў малога за руль.

«У дачыненні да безадказнага бацькі склалі адразу чатыры адміністрацыйныя пратаколы: за перадачу кіравання асобе, якая не мае права кіравання, за перавозку дзіцяці без дзіцячага аўтакрэсла, размову па тэлефоне і непрышпілены рамень бяспекі», – удакладнілі ў органах унутраных спраў Гомельшчыны.

Экстрэмальная паездка абышлася ў 6,5 базавых велічынь (Br273).