У Славакіі прайшоў мітынг супраць павышэння падаткаў

• 16.09.2025, 21:17

Акцыі прайшлі ў 15 гарадах краіны.

У Браціславе і яшчэ ў 15 гарадах Славакіі прайшлі мітынгі супраць павышэння падаткаў. Апазіцыйная партыя «Прагрэсіўная Славакія» паведаміла, што ў сталіцы на акцыю пратэсту выйшлі 18 тыс. чалавек.

«У нас няма ніякай упэўненасці, толькі ўпэўненасць у заняпадзе, высокіх цэнах і беднасці. (Прэм'ер Славакіі Роберт. — Заўв.) Фіцо маўчыць, бо ён мае ўласны даход, раскошныя кватэры і залатыя ванны. У алігархаў ёсць свае маёнткі, у міністраў — заробкі, а вам не пашанцавала, вы ўмееце толькі варыць варэнне», — сказаў лідар «Прагрэсіўнай Славакіі» Міхал Шымечка (цытата паводле Aktuality).

На мітынгах выступілі прадстаўнікі правацэнтрысцкай партыі «Свабода і салідарнасць» і хрысціянска-дэмакратычнай KDH. Акцыю ў Браціславе таксама наведаў кіраўнік МУС Чэхіі Віт Ракушан.

На пачатку верасня Міністэрства фінансаў Славакіі прадставіла план кансалідацыі бюджэту, які павінен прадухіліць рост дэфіцыту бюджэту і павелічэнне дзяржаўнага доўгу. Сярод прапанаваных мер — павышэнне ПДВ на некаторыя харчовыя прадукты, «замарозка» заробкаў для паліцэйскіх і пажарных, а таксама скарачэнне колькасці святочных выходных дзён.