Чаму Мікалай Статкевіч адмовіўся пакідаць Беларусь?

• Наталля Радзіна
• 16.09.2025, 22:54

Лідар апазіцыі паказаў беларусам, што ёсць каштоўнасці, важнейшыя за жыццё.

Навошта Мікалай Статкевіч гэта зрабіў? Чаму адмовіўся выязджаць з Беларусі ў Літву і аддаў перавагу вярнуцца ў турму, а не пакінуць Радзіму? Пра гэта мяне ўжо колькі дзён пытаюцца многія сябры, знаёмыя, журналісты ў інтэрв'ю. І я нязменна адказваю адно: ён не мог учыніць інакш.

У мяне ўвогуле не ўзнікла гэтага пытання «навошта?», калі я ўбачыла Мікалая Статкевіча, які сядзеў на мяжы і патрабаваў упусціць яго назад у Беларусь. Бо я даўно ведаю Мікалая і яго гатоўнасць ісці да канца, ахвяруючы свабодай і жыццём. Ён гатовы ў адзіночку змагацца з злом, што пераўзыходзіць па сіле, памерці ў турме, але паказаць беларусам, што ёсць каштоўнасці, важнейшыя за жыццё. І яны сапраўды ёсць: гэта свабода, праўда, гонар, Радзіма, Бог.

Наталля Радзіна, «Фэйсбук»