Нацгвардзейцы ліквідавалі двайніка Пуціна на Пакроўскім напрамку

• 16.09.2025, 12:18

Акупант вельмі падобны на кіраўніка РФ.

Байцы ўкраінскай брыгады «Спартан» заўважылі на фронце расійскага акупанта, якога воіны празвалі двайніком Пуціна і, не вагаючыся ні секунды, адразу яго ліквідавалі.

Адпаведным відэа яны падзяліліся ў сваім Telegram-канале, паведамляе Цензор.НЕТ.

«Гэты пяхотнік арміі РФ мог стаць чарговым двайніком крэмлёўскага дыктатара. Але радзіма адправіла яго ва Украіну: штурмаваць Пакроўскі напрамак. Тут ён трапіў у поле зроку «Спартана» і быў паспяхова знішчаны. Ні на што не намякаем, але скідаў у нашых аператараў дронаў хопіць на ўсіх расіян, што прыйшлі на ўкраінскую зямлю», — адзначаюць украінскія абаронцы.