Зяленскі: Расійскія беспілотнікі над Польшчай пасылаюць НАТА два важныя сігналы

• 16.09.2025, 10:27

Прэзідэнт Украіны раскрыў падрабязнасці.

Уварванне расійскіх беспілотнікаў у паветраную прастору НАТА мае на мэце паслаць еўрапейцам два важныя сігналы. Аб гэтым прэзідэнт Украіны Уладзімір Зяленскі сказаў у інтэрв’ю Sky News.

Перш за ўсё, адзначыў прэзідэнт, расійскі дыктатар Уладзімір Пуцін «правярае НАТА».

«Ён хоча ўбачыць, да чаго гатовае НАТА, на што яно здольнае, як у дыпламатычным, так і ў палітычным плане, і як на гэта адрэагуе мясцовае насельніцтва».

Аднак ёсць і яшчэ адзін важны сігнал, які Пуцін пасылае еўрапейцам, адзначыў Зяленскі.

«На мой погляд, яны пасылаюць яшчэ адзін сігнал: «Не смейце прадастаўляць Украіне дадатковыя сістэмы СПА, яны могуць спатрэбіцца вам самім», — падкрэсліў ён.