Трамп едзе ў Вялікабрытанію на сустрэчу з каралём і прэм'ер-міністрам

• 16.09.2025, 10:12

Сталі вядомыя падрабязнасці візіту.

Прэзідэнт ЗША Дональд Трамп і першая лэдзі адправяцца ў Лондан, каб сустрэцца з каралеўскай сям'ёй, прэм'ерам і бізнес-лідарамі.

Пра гэта паведамляе сайт Белага дома.

У сераду амерыканскі лідар і Меланія Трамп наведаюць Віндзорскі замак, дзе сустрэнуцца з членамі каралеўскай сям'і і ўшануюць памяць Каралевы Лізаветы II. Таксама запланаваны дзяржаўны банкет у гонар візіту.

У чацвер адбудзецца сустрэча прэзідэнта ЗША з прэм'ер-міністрам Вялікабрытаніі Кірам Стармерам, а таксама з ключавымі брытанскімі бізнес-лідарамі. А 14:20 па мясцовым часе (16:20 па мінскім часе) адбудзецца сумесная прэс-канферэнцыя Трампа і Стармера.

Пасля завяршэння афіцыйнай праграмы прэзідэнт і першая лэдзі вернуцца ў Вашынгтон.