Беспілотнікі атакавалі расійскія Саратаў і Энгельс

• 16.09.2025, 8:49

Пашкоджаная прамысловая інфраструктура.

У ноч на аўторак, 16 верасня, беспілотнікі атакавалі расійскія Саратаў і Энгельс, былі чутныя выбухі. Беспілотнікі паразілі прамысловую інфраструктуру, у выніку чаго ўзнік пажар.

Пра гэта паведаміў кіраўнік «Цэнтра вывучэння акупацыі» Пятро Андрушчанка у сваім Telegram. Паводле яго слоў, атака на Саратаў працягвалася з трох гадзін ночы да пяці раніцы.

Падрабязнасці

У аэрапорце «Гагарын», дзеля забеспячэння бяспекі палётаў, уводзілі план «Ковер».

«Над горадам адбылося некалькі выбухаў, ёсць наступствы на зямлі ў некалькіх лакацыях. Паводле сігналаў пра пажары, была пашкоджаная прамысловая інфраструктура. Афіцыйны Саратаў не каментуе. Пачакайма, чым яны «ўсё збілі»,» — гаворыцца ў паведамленні.

Пра пажар паведамлялі і мясцовыя жыхары ў расійскіх пабліках. Паводле іх інфармацыі, гарэла трава за межамі горада.

Паводле паведамлення Расавіяцыі, раніцай абмежаванні ў аэрапорце Саратава былі знятыя.