Швецыя рэкордна павялічыць выдаткі на абарону

• 16.09.2025, 7:51

Упершыню з часоў «Халоднай вайны».

Швецыя плануе павялічыць выдаткі на абарону на 2,4 млрд еўра, што стане самым вялікім ростам з часоў «Халоднай вайны».

Пра гэта заявіў прэм’ер-міністр краіны Ульф Крыстэрсан, паведамляе Euractiv.

Кіраўнік урада адзначыў, што распрацаваны законапраект прадугледжвае рост абаронных выдаткаў Швецыі на 18% — з 13 млрд еўра ў гэтым годзе.

«Гэта беспрэцэдэнтна, калі не лічыць найгоршыя дні «Халоднай вайны», — сказаў Крыстэрсан на прэс-канферэнцыі.

Прапанова ўключае дадатковыя 430,9 млн еўра на закуп наступных матэрыяльных сродкаў і аб’ектаў:

сістэм супрацьпаветранай абароны;

рэактыўнай артылерыі;

боепрыпасаў;

баявых машын;

новых баявых караблёў;

тактычных транспартных самалётаў.

Павелічэнне выдаткаў грунтуецца на аднагалоснай пагадзе парламенцкіх партый, дасягнутай у чэрвені, узяць крэдыт у памеры 27,5 млрд еўра (300 млрд шведскіх крон) для ўзмацнення падрыхтоўкі прызыўнікоў, супрацьпаветранай абароны і магчымасцяў вядзення далёкага бою.

«Мы павінны быць гатовыя, мы павінны мець добрыя магчымасці, каб супрацьстаяць гэтаму», — заявіла міністр энергетыкі Эбба Буш, каментуючы актыўнасць дронаў над Польшчай і Румыніяй.

Дзякуючы гэтым новым інвестыцыям Швецыя імкнецца наблізіцца да абноўленай мэты НАТА — выдаткоўваць 3,5% ВУП на абарону да 2035 года.

Урад у Стакгольме прагназуе, што выдаткі на абарону дасягнуць 2,8% ВУП у 2026 годзе і 3,1% у 2028 годзе, у параўнанні з ацэненым Альянсам паказчыкам у 2,14% ВУП на 2024 год.

Кааліцыйны ўрад павінен падаць свой бюджэтны законапраект 22 верасня.