Пасольства ЗША ў Мінску прадае з аўкцыёну мэблю

• 16.09.2025, 3:59

Выстаўлены 44 лоты.

Дыпламатычныя місіі ЗША па ўсім свеце прадаюць сваю маёмасць з аўкцыёну, а ў Мінску да заканчэння таргоў засталося тры дні.

На аўкцыён у беларускай сталіцы выстаўлены 44 лоты, сярод якіх офісная мэбля — кніжныя шафы, сталы, трыбуна-пюпітр для выступленняў, стулы, лазерныя прынтары, трансфарматары, камп’ютарныя маніторы.

Цэны розныя. Напрыклад, разкладны стол можна купіць за 90 рублёў, а вось на офіснае крэсла стаўка пачынаецца з 220 рублёў. Лазерны прынтар яшчэ можна паспець забраць за 780 рублёў.

Акрамя Мінска, сваю маёмасць пасольствы ЗША прадаюць у Варшаве, Рыме, Жэневе, Заграбе і іншых сталіцах.