«Купалаўцы» пакажуць спектакль «Экстрэмісты»

• 15.09.2025, 11:24

Спектаклі адбудуцца ў Варшаве і Вільнюсе.

Тэатральная трупа «Купалаўцы» пакажа спектакль «Экстрэмісты». Паказы адбудуцца 20 верасня ў Вільнюсе і 1-2 кастрычніка ў Варшаве.

«Востры, трапяткі і асабліва актуальны спектакль у святле падзей апошніх дзён. Спектакль, якога ніколі не павінна было быць.

Пра мастацтва, якое ператварылася ў зброю, пра неабходнасць быць свабодным і, вядома, пра каханне... Гісторыя, заснаваная на рэальных падзеях», — расказалі пра свой спектакль сайту Charter97.org «Купалаўцы».

Аўтар спектакля — Юлія Цімафеева, рэжысёр — Аляксандр Гарцуеў. У спектаклі граюць: Зоя Белахвосцік, Кацярына Яворская, Аляксандр Зяленка, Сяргей Чуб.

Спектаклі адбудуцца па адрасе:

Вільнюс, 20 верасня, 19:00 - 20:20, Naugarduko g. 76 Польскі тэатр.

Варшава, 1-2 кастрычніка, 19:00, Scena Przodownik Teatru Dramatycznego, ul. Olesińska 21/lok.211.

Квіткі можна набыць па спасылцы.