Канадцу вярнулі зрок пасля 20 гадоў слепаты дзякуючы зубнаму імплантату ў воку

• 15.09.2025, 8:20

Як такое магчыма.

34-гадовы Брэнт Чэпмэн з Норт-Ванкувера, Канада, упершыню за два дзесяцігоддзі зноў убачыў свет дзякуючы ўнікальнай медыцынскай аперацыі. Мужчына страціў зрок у 13 гадоў пасля цяжкай алергічнай рэакцыі на ібупрафен. Лекары дыягнаставалі ў яго сіндром Стывенса-Джонсана — рэдкае захворванне, якое прывяло да поўнай страты зроку на абодва вочы. З таго часу жыццё Чэпмэна кардынальна змянілася: юнацкія мары давялося адкласці, а штодня ён шукаў спосаб вярнуць хаця б частку зроку.

Як піша People, на працягу дваццаці гадоў канадзец выпрабоўваў розныя метады лячэння, аднак ніводзін не даваў доўгатэрміновага выніку. Сітуацыя змянілася, калі ён сустрэўся з доктарам Грэгам Молоні ў Ванкуверы. Лекар прапанаваў надзвычай рэдкую аперацыю, якую ў свеце праводзілі ўсяго некалькі сотняў разоў, — так званую працэдуру «зуб у воку».

Гэта методыка была распрацаваная яшчэ ў 1960-х гадах і складаецца з некалькіх этапаў:

У пацыента выдаляюць зуб, фармуюць у ім адтуліну і ўсталёўваюць пратэз.

Падрыхтаваны зуб імплантуюць у пярэднюю частку вока, дзе ён пачынае выконваць ролю новага крышталіка.

Паводле слоў лекара, выкарыстанне ўласнага зуба пацыента зніжае рызыку адрыньвання, бо арганізм успрымае яго як «родны» матэрыял.

«Звычайна людзі рэагуюць шокам, здзіўленнем і нават недаверам, што такая працэдура наогул існуе», — растлумачыў доктар Молоні.