ЗСУ збілі расійскі разведвальны дрон «Арыён» коштам у мільёны долараў

• 14.09.2025, 9:14

Яскравае відэа знішчэння.

ЗСУ збілі расійскі ўдарна-разведвальны борт «Арыён» коштам у некалькі мільёнаў долараў.

Пра гэта паведамляе камандуючы Сіламі беспілотных сістэм ЗСУ Роберт «Мадзяр» Бровдзі у Telegram.

«Толькі што збіты ўдарна-разведвальны борт «Арыён». 414 ОБР «Птахі Мадзяра», каманда «Топат». 16,3 метра — размах крыла, 24 гадзіны ў паветры», — напісаў ён.

«Мадзяр» паведаміў, што ўсяго на працягу 3,5 года вайны «Птахі Мадзяра» збілі больш за паўтары тысячы «Арланаў», «ZALA», «Суперкамаў», «Шахедаў», «Гербер» і «Ланцэтаў», найбуйнейшымі былі «Мерлін» і «Форпост».

«Арыён» заставаўся «на кароначку», — адзначыў ён.

Што вядома пра «Арыён»

«Арыён» — гэта сярэдневышынны беспілотнік вялікай працягласці палёту. Стаіць на ўзбраенні расійскай арміі з 2020 года.

Бартавое абсталяванне прызначана для візуальнай, радыёлакацыйнай або радыётэхнічнай разведкі з магчымасцю працяглага патрулявання ў вызначаным раёне.

Маса беспілотніка — 1150 кг.

Баявая нагрузка — 200 кг.

Да гэтага Паветраныя сілы ЗСУ некалькі разоў збівалі дроны «Арыён».