Прызавыя Сабаленкі будуць скарочаныя

• 13.09.2025, 1:00

Аж на 37 працэнтаў.

Беларуска другі год запар стала чэмпіёнкай US Open, што прынесла ёй рэкордныя ў гісторыі жаночага тэніса прызавыя.

Ёй і іспанцу Карлосу Алькарасу, які перамог у мужчынскім адзіночным разрадзе, прадугледжаны чэк на $5 мільёнаў. Праўда, згодна з законамі ЗША, беларуска і першы нумар рэйтынгу ATP не атрымаюць на рукі ўсю гэтую суму.

Арына Сабаленка будзе вымушаная заплаціць у якасці падаткаў немалую суму. Яна складае 37 працэнтаў. Такім чынам, ёй застанецца ў якасці ўзнагароды за заваяваны тытул $3,15 мільёна.