З’явіліся фота найстарэйшай жанчыны на Зямлі

• 12.09.2025, 20:30

Яна жыве ў Узбекістане.

У Узбекістане 130-гадовую Хувайдо Умараву прызналі найстарэйшай жыхаркай Зямлі — суд устанавіў, што яна нарадзілася 1 студзеня 1895 года, паведамілі ў Міністэрстве юстыцыі рэспублікі.

«Упершыню ў гісторыі Узбекістана зафіксаваны факт — 130-гадовая бабуля», — гаворыцца ў паведамленні.

Пазоў падаў мясцовы аддзел юстыцыі ў межах кампаніі «Ніводзін чалавек не застанецца без дакументаў».

Пры гэтым у судзе адзначылі адсутнасць дакументальных сведчанняў — запісаў у метрычных кнігах або іншых архіўных дакументаў, якія пацвярджаюць узрост доўгажыхаркі.

Хувайдо можа быць прызнана найстарэйшым чалавекам на планеце і ўключана ў Кнігу рэкордаў Гінеса, калі міжнародныя эксперты пацвердзяць гэты ўзрост.

Да гэтага найстарэйшай жыхаркай планеты лічылася брытанка Этэль Катэрхэм — 21 жніўня яна адзначыла 116-годдзе. Найстарэйшым чалавекам усіх часоў афіцыйна прызнаная Жанна Луіза Кальман — яна памерла ў 1997 годзе ва ўзросце 122 гадоў.