The Times: Лідэра «рэвалюцыі Z» у Непале выбралі з дапамогай ChatGPT

• 12.09.2025, 19:52

Паўсталыя зумеры, якія хутка звяргнулі ўрад, сутыкнуліся з праблемай пры выбары лідара.

Сушыла Каркі, якую называюць кіраўніцай часовага ўрада Непала, якая прадстаўляе паўсталых на перамовах з вайскоўцамі, была абраная на гэтую ролю штучным інтэлектам. Пра гэта паведамляе The Times.

Паводле звестак газеты, паўсталыя зумеры, што хутка звяргнулі ўрад краіны, сутыкнуліся з куды больш складанай праблемай пры выбары таго, хто, паводле іх уяўленняў, павінен узначаліць новы часовы ўрад краіны. Яны пераклалі яе вырашэнне на штучны інтэлект.

Спачатку ChatGPT прапанаваў інтэрнэт-форуму «Моладзь супраць карупцыі» чатыры магчымыя кандыдатуры — інжынера і выпускніка Оксфарда Сагара Дхакала, былую міністарку адукацыі Суману Шрэсту, рэпера і адначасова сталічнага мэра Балена Шаха і Сушылу Каркі, якая ў 2016–2017 гадах займала пасаду старшыні Вярхоўнага суда краіны.

На другім этапе штучны інтэлект папрасілі назваць найбольш прыдатную кандыдатуру на пасаду кіраўніка часовага ўрада. «Калі б выбар залежаў ад мяне, я б схіліўся на карысць Сушылы Каркі ў якасці кіраўніцы часовага ўрада», — адказаў чат-бот на запыт, дадаўшы, што на ролю кіраўніка ўжо пастаяннага ўрада ён рэкамендаваў бы рэпера Шаха.

73-гадовай Каркі ўжо прапанавалі стаць кіраўніцай часовага ўрада, і яна пагадзілася.