НАТА запусціла «Усходні вартавы» для аховы межаў з Беларуссю і РФ

• 12.09.2025, 18:37

Аперацыя закране ўвесь усходні фланг НАТА.

НАТА запускае аперацыю «Усходні вартавы», каб умацаваць пазіцыі на ўсходнім флангу, заявіў генеральны сакратар альянсу Марк Рютэ на сумеснай прэс-канферэнцыі з Вярхоўным галоўнакамандуючым Аб'яднанымі ўзброенымі сіламі НАТА ў Еўропе генералам Алексусам Грынкевічам.

У аперацыі будуць задзейнічаны сілы шэрагу членаў блоку, уключаючы Данію, Германію, Францыю, Вялікабрытанію і іншыя.

«Супрацьдзеянне агрэсіі і абарона кожнага чальца альянсу маюць вырашальнае значэнне. Абарона ўсходняга флангу — наша ключавая задача. Менавіта таму мы запускаем ініцыятыву «Усходні вартавы» для далейшага ўмацавання нашага ўсходняга флангу», — сказаў Рютэ.

Грынкевіч дадаў, што аперацыя закране ўвесь усходні фланг НАТА.