Трамп: Забойцу Чарлі Керка затрымалі

• 12.09.2025, 15:43

Яму пагражае смяротнае пакаранне.

У ЗША затрымалі меркаванага забойцу правага актывіста Чарлі Керка. Пра гэта ў інтэрв'ю Fox News паведаміў прэзідэнт ЗША Дональд Трамп.

На пытанне тэлевядучай, ці ёсць нейкая новая інфармацыя па справе, Трамп паведаміў, што затрымалі чалавека, які, верагодна, і з'яўляецца сапраўдным забойцам.

«Я з вялікай упэўненасцю лічу, што мы яго затрымалі. Усе спрацавалі выдатна (...) Таму так, я думаю, што цяпер мы ў выдатным становішчы — ён пад вартай», — сказаў ён.

Пры гэтым прэзідэнт ЗША выказаў надзею, што забойцу Чарлі Керка прыгавораць да смяротнага пакарання.