У Столінскім раёне парыў трубаправода

• 12.09.2025, 15:18

Без вады засталіся тысячы дамоў, школы і дзіцячыя сады.

Раніцай 12 верасня паблізу рабочага пасёлка Рэчыца Столінскага раёна адбыўся парыў трубаправода, паведамілі ў МНС.

У выніку інцыдэнту часова адключана падача халоднай вады 2829 абанентам, у тым ліку двум школам, двум дзіцячым садам і сацыяльнаму прытулку.

«На месца здарэння выязджаў старшыня раённай камісіі па надзвычайных сітуацыях. КУМПП „Столінскае ЖКГ“ даручана ў найкарацейшыя тэрміны ліквідаваць парыў трубаправода і арганізаваць бесперабойнае забеспячэнне насельніцтва пітнай вадой», — паведамілі ў МНС.

На месцы парыву працуюць дзве аварыйныя брыгады ЖКГ. Выратавальнікі каардынуюць работы па ліквідацыі наступстваў.