Туск паабяцаў адэкватнае пакаранне тым, хто захоча атакаваць Польшчу

• 12.09.2025, 8:46

Польшча будзе вельмі ўважліва сачыць за падзеямі на ўсходняй мяжы.

Прэм'ер-міністр Польшчы Дональд Туск заявіў, што любыя далейшыя спробы атакаваць Польшчу заўсёды будуць мець адэкватны адказ.

Пра гэта паведамляе tvp.info.

Кіраўнік урада адзначыў, што «кожны, хто вырашыць якім-небудзь чынам атакаваць Польшчу, польскую тэрыторыю або польскую паветраную прастору, заўсёды павінен будзе лічыцца з адэкватнай рэакцыяй».

«Кожны, хто захоча якім-небудзь чынам атакаваць Польшчу, будзе адэкватна пакараны, як гэта было ў ноч на 10 верасня», — заявіў прэм'ер па выніках пасяджэння Рады нацыянальнай бяспекі.

Туск запэўніў, што Польшча будзе «вельмі дакладна і ўважліва сачыць за падзеямі на ўсходняй мяжы, звязанымі з ваеннымі вучэннямі Расіі і Беларусі «Захад»».

«Нішто не застанецца па-за нашай увагай, і мы, вядома, будзем інфармаваць пра ўсё нашых саюзнікаў», — сказаў кіраўнік урада.

Прэм'ер падкрэсліў, што польскія ўлады «не мяркуюць, а абсалютна ўпэўненыя, што за гэтай правакацыяй стаіць Расія».

«Мы адхіляем усе маніпуляцыі і дэзінфармацыю, якія намякаюць, што за атакай стаіць Украіна. Адказнасць ляжыць на Расійскай Федэрацыі», — падкрэсліў Туск.

Нагадаем, у ноч на 10 верасня каля 20 расійскіх ударных беспілотнікаў уварваліся ў паветраную прастору Польшчы.