Дроны атакавалі порт «Прыморск» у Ленінградскай вобласці: гарыць судна

• 12.09.2025, 7:38

Ад пачатку поўнамаштабнай вайны адбылася адна з самых масавых атак на рэгіён.

У Ленінградскай вобласці (РФ) невядомыя дроны ўдарылі па нафтаналіўным порце «Прыморск», загарэлася адно з суднаў.

Пра гэта паведамляе РБК-Украіна са спасылкай на губернатара Ленінградскай вобласці Аляксандра Дрозденко.

Паводле яго слоў, уначы над вобласцю сіламі і сродкамі СПА былі знішчаныя больш за 30 дронаў.

Зафіксавана падзенне аскепкаў і абломкаў БПЛА ва Усевалажску, Тосне, вёсках Пакроўскае і Узміна, а таксама па-за населенымі пунктамі ў Ламаносаўскім раёне. Пацярпелых няма.

«У парце Прыморск ліквідавана адкрытае гарэнне на судне. Пагрозы затаплення і разліву нафтапрадуктаў няма», — паведаміў Дрозденко.

Губернатар дадаў, што ў Прыморску таксама патушылі ўзгаранне на насоснай станцыі. Пацярпелых няма.

У той жа час жыхары Ленінградскай вобласці і Пецярбурга працягваюць чуць выбухі і паведамляюць пра адну з самых масавых атак на рэгіён ад пачатку поўнамаштабнай вайны.

На фота бачны дым, які падымаецца над раёнам порта «Прыморск».