Германія пашырае дапамогу Польшчы і краінам Балтыі ў ахове неба

• 11.09.2025, 23:42

Колькасць знішчальнікаў бундэсвэра, якія патрулююць неба над Польшчай, будзе падвоеная.

Рэагуючы на ўварванне расійскіх беспілотнікаў у Польшчу, урад Германіі прыняў рашэнне працягнуць і пашырыць аказанне дапамогі ў патруляванні паветранай прасторы гэтай краіны. Як паведаміў у чацвер, 11 верасня, афіцыйны прадстаўнік урада ФРГ Штэфан Корнеліус, Берлін пайшоў на гэты крок «у дадатак да існых абавязанняў у краінах Балтыі і Польшчы».

На сёння бундэсвэр таксама ўносіць свой уклад у ахову паветранай прасторы краін Балтыі, дзе разгорнутая адна нямецкая сістэма СПА Patriot, удзельнічаючы ў патрульных палётах.

Паводле звестак Міністэрства абароны Германіі, колькасць знішчальнікаў Eurofighter, што базуюцца на авіябазе Росток-Лаге і патрулююць неба над Польшчай, будзе павялічаная з двух да чатырох. Акрамя таго, падраздзяленне сіл хуткага рэагавання будзе несці там службу не да канца верасня, як планавалася раней, а да 31 снежня 2025 года, прычым гэты тэрмін можа быць яшчэ падоўжаны.

Адначасова Корнеліус заявіў, што Германія ўзмоцніць падтрымку Украіны.