Вялікабрытанія і Францыя хочуць узмацніць усходні фланг НАТА знішчальнікамі Rafale і Eurofighter

• 11.09.2025, 22:02

Пра дапамогу Польшчы таксама заявілі Нідэрланды і Чэхія.

Вялікабрытанія і Францыя заявілі пра намер накіраваць у Усходнюю Еўропу знішчальнікі Rafale і Eurofighter у сувязі з парушэннем паветранай прасторы краіны расійскімі дронамі. Пра гэта заявіў міністр абароны Польшчы Уладзіслаў Касіняк-Камыш, перадае Onet.

Паводле яго слоў, саюзнікі Польшчы зрабілі канкрэтныя заявы пра дапамогу пасля інцыдэнту з расійскімі дронамі.

У прыватнасці, Нідэрланды паскараюць пастаўкі ў Польшчу двух з трох сваіх батарэй Patriot.

«Яны таксама прымаюць рашэнне аб размяшчэнні сістэм СПА кароткай далёкасці і сістэм супрацьдроннай абароны, накіраваўшы 300 салдат», — дадаў міністр.

Таксама, паводле яго слоў, Чэхія павінна накіраваць у Польшчу тры верталёты Мі-17, дасведчаныя экіпажы і каля 1000 салдат.