«Белсат»: На волю выйшаў Генадзь Федыніч

• 11.09.2025, 15:33

Лідар прафсаюзнага руху Беларусі быў асуджаны на дзевяць гадоў калоніі.

Сярод 52 палітзняволеных, вызваленых 11 верасня, — прафсаюзны лідар Генадзь Федыніч, пра гэта піша сайт тэлеканала «Белсат».

У 2023 годзе ён быў асуджаны на 9 гадоў калоніі па артыкулах аб закліках да дзеянняў супраць нацыянальнай бяспекі (арт. 361 КК), стварэнні «экстрэмісцкага фармавання» (арт. 361-1 КК) і распальванні варожасці (арт. 130 КК).

Генадзь Федыніч — былы кіраўнік Беларускага прафсаюза работнікаў радыёэлектроннай прамысловасці (РЭП), адзін з лідараў працоўнага руху Беларусі.