Паветраная трывога ў Германіі перапыніла пасяджэнне Бундэстагу

• 11.09.2025, 14:42

Спрацавала агульнанацыянальная сістэма апавяшчэння Warntag.

У Германіі ўключылі сірэны паветранай трывогі — спрацавала агульнанацыянальная сістэма апавяшчэння Warntag.

Вучэбная трывога нават перапыніла пасяджэнне Бундэстагу.

Як піша выданне «Фокус», у Германіі праводзіцца Дзень нацыянальнага апавяшчэння грамадзянскай абароны, падчас якога правяраецца праца сірэн і мабільных дадаткаў у выпадку стыхійнага бедства, надзвычайнага становішча або ваенных пагроз.

Па ўсёй краіне на вуліцах уключаюць сігнал сірэны. Акрамя таго, «трывожныя» апавяшчэнні мясцовыя атрымліваюць і на мабільныя тэлефоны.