ЗША знялі санкцыі з «Белавіі»

• 11.09.2025, 14:24

Узамен рэжым Лукашэнкі вызваліў 52 палітвязняў.

ЗША знялі санкцыі з авіякампаніі «Белавія». Пра гэта падчас сустрэчы з Лукашэнкам паведаміў намеснік спецыяльнага прадстаўніка прэзідэнта ЗША Дональда Трампа Джон Коул.

«Хачу цалкам афіцыйна тут і цяпер заявіць, што мы знялі санкцыі з «Белавіі». Гэта афіцыйна. У мяне была сустрэча з прэзідэнтам Трампам, у якой удзельнічалі яшчэ некалькі дзесяткаў чалавек. Гэта рашэнне было прынята», — заявіў Коул.

Як стала вядома пазней, рэжым Лукашэнкі вызваліў 52 палітвязняў. Яны знаходзяцца ў Літве.