Галоўны трэнер зборнай Аўстрыі дабіраўся да лаўкі запасных на ровары ў матчы адбору ЧС-2026

• 10.09.2025, 21:07

Відэафакт.

Галоўны трэнер зборнай Аўстрыі па футболе Ральф Рангнік выкарыстаў незвычайны спосаб, каб дабрацца да трэнерскай лаўкі ў гасцявым адборачным матчы да чэмпіянату свету 2026 года са зборнай Босніі і Герцагавіны (2:1). Спецыяліст прыехаў на сваё працоўнае месца перад гульнёй на электравеласіпедзе.

Як паведамляюць аўстрыйскія СМІ, летам 2025 года 67-гадовы Рангнік перанёс дзве аперацыі на галёнкаступнёвым суставе, пасля якіх абмежаваў перасоўванне пешшу па газоне.

Зборная Аўстрыі набрала 12 ачкоў у чатырох матчах і, маючы матч у запасе, займае другое месца ў адборачнай групе H, саступаючы Босніі, якая мае столькі ж ачкоў, па розніцы мячоў. Каб наўпрост выйсці на ЧС-2026, трэба заняць на групавым этапе першае месца, другія месцы працягнуць барацьбу ў стыкавых матчах. Удзельнікамі групы таксама з'яўляюцца Румынія, Кіпр і Сан-Марына.