Кая Калас: ЕЗ перадаў грамадзянскай супольнасці Беларусі 170 мільёнаў еўраў

• 9.08.2025, 19:35

Еўразвяз паабяцаў падтрымліваць беларусаў на шляху да дэмакратыі «столькі, колькі спатрэбіцца».

Неадкладна вызваліць усіх палітвязняў і спыніць рэпрэсіі заклікала беларускія ўлады кіраўніца еўрапейскай дыпламатыі Кая Калас з нагоды пяцігоддзя беларускай рэвалюцыі.

«Беларусь таксама павінна спыніць падтрымку незаконнай вайны Расеі супраць Украіны», - падкрэсліла яна.

Калас заявіла аб салідарнасці з беларускім народам і паведаміла, што з 2020-га года ЕЗ выдзеліў 170 млн еўраў на падтрымку беларускай грамадзянскай супольнасці, незалежных СМІ і ахвяр рэпрэсій.

ЕЗ працягне падтрымліваць беларускі народ на яго шляху да дэмакратыі столькі, колькі спатрэбіцца, і ўводзіць санкцыі супраць тых, хто душыць дэмакратыю і парушае правы чалавека, падкрэсліла прадстаўніца ЕЗ.