Зяленскі: Трамп хоча спыніць вайну, мы павінны дзейнічаць разам супраць плана РФ

• 9.08.2025, 18:30

Прэзідэнт Украіны правёў размову з кіраўніком Фінляндыі.

Прэзідэнт Украіны Уладзімір Зяленскі правёў размову з прэзідэнтам Фінляндыі Аляксандэрам Стубам. Яны абмеркавалі каардынацыю мірных намаганняў з ЗША.

- Важна, што Амерыка мае рашучасць і магчымасць скончыць вайну, і мы вітаем тое, што прэзідэнт Трамп імкнецца скончыць забойствы. І каб адказаць Расеі на яе жаданне зацягнуць вайну і сабраць больш тэрытарыяльнай здабычы, павінны дзейнічаць мудра і скаардынавана, - адзначыў Зяленскі ў Telegram.

Украінскі прэзідэнт таксама падзякаваў свайму фінскаму калегу за падтрымку і нагадаў, што Фінляндыя, як і Украіна, маюць самыя доўгія ў Еўропе межы з РФ. Такім чынам, абедзве краіны выдатна ведаюць, якую небяспеку нясе такое суседства.

– Дамовіліся і надалей працаваць разам дзеля агульнай бяспекі, – дадаў Зяленскі.