Дроны падбілі завод для вытворчасці «Шахедаў» у Татарстане

• 9.08.2025, 12:48

Адзін з беспілотнікаў трапіў проста ў цэх.

Некалькі ўдарных дронаў сёння днём, 9 жніўня, атакавалі завод для вытворчасці «Шахедаў», размешчаны ў рэспубліцы Татарстан паблізу горада Ніжнякамск.

Пра гэта паведамляе Telegram-канал «Атэш».

Паводле папярэдніх звестак, як мінімум адзін з ударных беспілотнікаў патрапіў у цэх вытворчасці дронаў тыпу «Шахед». Мяркуючы з відэа, на месцы трапляння пачаўся пажар.

Ніжнякамск размешчаны побач з горадам Елабуга, дзе расейцы разгарнулі масавую вытворчасць ударных беспілотнікаў тыпу «Шахед».