Антыдроны ГУВ знішчылі беспілотнікі ворага: Эфектныя кадры

• 9.08.2025, 12:15

Паветраныя баі паказалі на відэа.

Украінскія выведнікі эфектыўна знішчаюць варожыя беспілотнікі на фронце. Байцы ГУВ паказалі кадры працы антыдронаў.

Пра гэта паведамляе Галоўная ўправа выведкі Мінабароны Украіны ў Telegram.

На кадрах зафіксаваная праца воінаў падраздзялення ГУВ МА Украіны Nexus, які спецыялізуецца на антыдронавай барацьбе.

Байцы забяспечваюць рэжым беспалётнай зоны для расейскіх акупантаў на фронце. Выведнікі проста ў небе знішчаюць варожыя «крылы» выведнага і ўдарнага дзеяння.

«Абшкоджванне сродкаў расейскай аэравыведкі і ўдарных дронаў – важны складнік поспеху Украіны на полі бою», – гаворыцца ў паведамленні.