Лукашэнка сказаў, на каго нельга шкадаваць грошай у Беларусі

• 7.08.2025, 18:20

На простых грамадзянаў грошай у рэжыму няма.

Аляксандр Лукашэнка 7 жніўня, у чацвер, на нарадзе ў пытаннях дзейнасці Камітэта дзяржаўнай бяспекі, якая адбылася ў Палацы Незалежнасці, сказаў, на каго нельга шкадаваць грошай у Беларусі.

Дыктатар акцэнтаваў увагу: пры ўдасканаленні дзейнасці Камітэта дзяржаўнай бяспекі не плануецца скарачаць грашовае забеспячэнне або заробкі супрацоўнікаў названай структуры.

– Тут якраз грошай шкадаваць не трэба для тых, хто працуе ў КДБ. Грошай чэкістам шкадаваць не трэба за канкрэтныя вынікі, – заявіў узурпатар.

Паводле словаў Лукашэнкі, названая сістэма была наладжаная з кіраўніком Камітэта дзяржаўнай бяспекі Іванам Церцелем.

– Я заўсёды пасля пэўных аперацый яго папярэджваю, што хлопцы, якія зарабілі гэтыя грошы, павінны іх атрымаць, нават больш за тое, – удакладніў дыктатар.