Якім коштам закупляюць гародніну і ягады ў Беларусі

• 6.08.2025, 16:01

Колькі можна зарабіць?

Белкаапсаюз працягвае актыўна закупляць у насельніцтва гародніну, садавіну, ягады і грыбы.

Пра тое, якую прадукцыю закупляюць і якім коштам, расказаў БелТА кіраўнік упраўлення нарыхтовак і знешнеэканамічнай дзейнасці Белкаапсаюза Аляксей Сіроцін.

Для арганізацыі закупаў задзейнічаныя звыш 770 нарыхтоўчых пунктаў і больш за 780 нарыхтоўшчыкаў. У сезон да працы прыцягваюць пазаштатных супрацоўнікаў.

Асноўная частка прадукцыі паступае свежая ў гандлёвую сетку Белкаапсаюза для продажу, а таксама ў аб'екты грамадскага харчавання і на перапрацоўчыя вытворчасці спажыўкааперацыі.

Насельніцтву і фермерам даюць больш за 6,2 тыс. гандлёвых месцаў на 107 рынках.

Закупачныя кошты

Кошты залежаць ад попыту, якасці, гатунку, памеру і ўраджайнасці і могуць змяняцца некалькі разоў у дзень.

Кошты за 1 кг:

бульба - Br1-1,7

агуркі - Br1,7-2,5

таматы - Br 2,5-4,5

капуста - Br0,7-1

буракі - Br1,2-1,8

морква - Br 1,2-1,7

цыбуля рэпка - Br1,2-1,8

часнык - Br6-8

чарніцы - Br7-12

чорныя парэчкі - Br5-8

буякі - Br10-12

маліны - Br6,5-7

лісічкі - Br3-6,5.

Да канца года Белкаапсаюз плануе закупіць больш за 12 тыс.т. бульбы, 30 тыс.т. яблыкаў, 30 тыс.т. агародніны ( 3,5 тыс.т. агуркоў і 2,8 тыс.т. таматаў).