У Крамлі закончылася сустрэча Уіткафа і Пуціна

• 6.08.2025, 15:08

Размова доўжылася блізу трох гадзін.

Спецпрадстаўнік ЗША Стыў Уіткаф сустрэўся з расейскім дыктатарам Уладзімірам Пуціным. Пра гэта паведамляюць расейскія СМІ.

«Пуцін прымае ў Крамлі спецпасланніка прэзідэнта ЗША Уіткафа, паведамілі ў прэс-службе кіраўніка дзяржавы», - гаворыцца ў паведамленні выдання «РІА Новости».

Размова доўжылася блізу трох гадзін, паведамілі расейскія СМІ.

Адзначаецца, што картэж, на якім перасоўваецца спецпасланнік прэзідэнта ЗША, ужо пакінуў Крэмль.

У той жа час як піша CNN, перад візітам Уіткафа ў Маскву Трамп сумняваўся ў гатоўнасці Пуціна спыніць вайну ва Украіне і, хутчэй за ўсё, баіцца стаць «падманутым лідарам».

Аднак за дзень да сустрэчы спецпрадстаўніка ЗША з прэзідэнтам РФ Трамп заявіў, што пачакае да заканчэння перамоў, каб вызначыцца, ці ўводзіць новыя санкцыі супраць РФ.