ЕЗ увядзе новую дынамічную граніцу цэн расейскай нафты

• 6.08.2025, 14:50

Стала вядомая дата.

Еўрапейскі Звяз пачне выкарыстоўваць дынамічную граніцу коштаў расейскай нафты з 3 верасня 2025 года - на аснове формулы, зацверджанай у рамках 18-га пакета санкцый супраць РФ.

Пра гэта паведаміла намесніца галоўнага прэс-сакратара Еўракамісіі Арыяна Падэста ў каментары «Еўрапейскай праўдзе».

Паводле ейных слоў, новая верхняя мяжа цаны будзе аўтаматычна адаптавацца да рынкавых умоў.

Таксама яна нагадала, што большасць пунктаў пакета ўжо дзейнічаюць з сярэдзіны ліпеня, а забарона на транзакцыі з 22 новымі расейскімі банкамі ўвойдзе ў дзеянне 8 жніўня 2025 года.