Трамп пажартаваў пра ўстаноўку ядзерных ракетаў у Белым доме

• 5.08.2025, 21:16

Ён пракрычаў пра гэта журналістам з даху рэзідэнцыі.

Прэзідэнт ЗША Дональд Трамп пажартаваў, што на тэрыторыі Белага дому будуць устаноўленыя ядзерныя ракеты. Ён пракрычаў пра гэта журналістам з даху рэзідэнцыі.

«Ракеты. Ядзерныя ракеты», – адказаў ён на пытанне рэпарцёраў, што плануецца пабудаваць на тэрыторыі Белага дому.

У Белым доме на пастанову Трампа плануецца бальная зала. Будаўніцтва залы пачнецца ў верасні, гэта стане найбуйнейшай трансфармацыяй комплексу Белага дому з часоў Гары Трумэна. Праект будзе прафінансаваны з асабістых сродкаў прэзідэнта ЗША.