У Магілёве гарэў гатэль

• 5.08.2025, 21:13

З будынка самастойна эвакуяваліся 15 чалавек.

5 жніўня ратавальнікі аператыўна патушылі загаранне ў адным з магілёўскіх гатэляў на вуліцы Ленінскай. Паведамленне пра пажар у тэхнічным памяшканні (цеплавым вузле) паступіла ў 16:39 ад супрацоўнікаў установы.

Ратавальнікі, якія прыбылі на месца, убачылі дым, які ішоў з сутарэннага памяшкання. Для ліквідацыі загарання было задзейнічана 7 адзінак тэхнікі.

З будынка самастойна эвакуяваліся 15 чалавек. Ніхто не пацярпеў.

У выніку пажару пашкоджаныя два воданагравальнікі, закураныя сцены і столь у тэхнічным памяшканні. Прычыны здарэння высвятляюцца.