Белгідрамет расказаў, як частыя дажджы гэтым летам паўплывалі на бульбу.

• 5.08.2025, 19:18

Падобна, дэфіцыт бульбы ў краіне працягнецца.

Белгідрамет сказаў, як частыя дажджы гэтым летам паўплывалі на бульбу ў Беларусі. Падрабязнасці БелТА расказалі ў Рэспубліканскім цэнтры гідраметэаралогіі, кантролю радыёактыўнага забруджвання і маніторынгу навакольнага асяроддзя Мінпрыроды.

У Белгідрамеце ўдакладнілі, што, паводле апошніх звестак,ў бульбы паўсюдна завяршылася красаванне і на некаторых палях пачалося натуральнае завяданне бацвіння. Сярэдняя маса клубняў пад адным кустом напрыканцы ліпеня 2025 года перавышае ўзровень 2024 за аналагічны перыяд.

«Частыя дажджы гэтым летам і пераўвільгатненне глебы стварылі ўмовы для з'яўлення фітафторозу. Шэраг метэастанцый адзначаюць пашкоджанне бульбы дадзенай хваробай», - звярнулі ўвагу ў Белгідрамеце.

Спецыялісты ўдакладняюць, што ў бліжэйшыя дні ўмераны тэмпературны рэжым пасадзейнічае далейшаму росту клубняў, але надвор'е па-ранейшаму будзе і далей правакаваць прагрэсаванне фітафторозу.