Трамп прыстрашыў падвышэннем тарыфаў для Індыі ўжо праз 24 гадзіны

• 5.08.2025, 15:55

Праз куплю нафты ў РФ.

Прэзідэнт ЗША Дональд Трамп заявіў, што на працягу наступных 24 гадзін можа істотна падвысіць тарыфы на індыйскі імпарт.

Трамп раскрытыкаваў Індыю за празмерныя гандлёвыя бар'еры і эканамічнае супрацоўніцтва з Расеяй.

Са слоў прэзідэнта ЗША, Індыя ўжо мае «самы высокі тарыф сярод усіх», але гэтага недастаткова.

«У іх самы высокі тарыф сярод усіх... Мы дамовіліся аб 25%, але я думаю, што на працягу наступных 24 гадзін я істотна падвышу яго, таму што яны купляюць расейскую нафту. Яны падсілкоўваюць вайсковую машыну», - падкрэсліў Трамп.