Беларускі паўабаронца стаў у браму і адбіў пенальці

• 5.08.2025, 11:29

Відэафакт.

Дзіўны матч днямі прайшоў у Бярозе. Там у рамках чэмпіянату краіны ў футболе ў другой лізе мясцовы "Крэчат" прымаў пінскі "Стэнлес".

За 11 хвілін да канца сустрэчы суддзя выдаліў брамніка пінчукоў Міхаіла Пераца. Запаснога галкіпера ў гасцей не было, і ў рамку стаў паўабаронца Антон Байко, які здолеў адбіць пенальці. Да таго моманту "Стэнлес" вёў 2:1 і ў тым ліку дзякуючы абароне Байко здолеў здабыць перамогу.