Пад Менскам зрабілі ўнікальнае археалагічнае адкрыццё

• 5.08.2025, 9:42

Яму амаль тысяча гадоў.

На раскопках Малога гарадзішча на рацэ Менка 4 жніўня археолагі натыкнуліся на ўнікальны артэфакт – каменную ліцейную форму для трапецападобных падвесак узростам амаль тысяча гадоў.

Са слоў Андрэя Вайцяховіча з Інстытута гісторыі НАН, выяўленая форма мяняе ранейшыя ўяўленні аб упрыгожваннях X–XI стагоддзяў, якія лічыліся імпартнымі.

"Тыя самыя трапецападобныя падвескі, якія лічылі прывазнымі, маглі быць выраблены тут, у Менску", - адзначыў кіраўнік раскопак Андрэй Вайцяховіч.

Навукоўцы плануюць вывучыць мікрачасціцы на форме, каб вызначыць, з якімі металамі працавалі старажытныя майстры.

На тым жа гарадзішчы знайшлі фрагмент амфары з руніцкім надпісам XI–XII ст. Яна магла быць выбітая ўладальнікам пасудзіны - скандынавам, які перавозіў у амфары, магчыма, віно з Прычарнамор'я.

Андрэй Вайцяховіч адзначае, што такія знаходкі ўнікальныя не толькі для Менкі, але і для Беларусі ў цэлым.