Двум беларусам стала вельмі блага пасля пад’едку на цеплаходзе ў Расеі

• 4.08.2025, 21:32

У дарозе падавалі сырныя і мясныя талеркі.

У Санкт-Пецярбургу (Расея) двум беларусам дыягнаставалі атручэнне пасля пад’едку на борце прагулачнага цеплахода, паведамляе выданне «78».

У канцы ліпеня кампанія з пяці чалавек «накіравалася любавацца разводнымі мастамі».

«У дарозе падавалі сырныя і мясныя талеркі. На наступны дзень у траіх з кампаніі стала паднімацца тэмпература. Двум турыстам з Беларусі дыягнаставалі атручванне, яшчэ аднаму пасажыру – сальманелёз», – гаворыцца ў публікацыі.

Удзельнікі прагулкі расказалі, што разам яны больш нідзе не елі.

«Пачала паднімацца тэмпература пад 40, я нават быў у стане трызнення», – сказаў адзін з пацярпелых.

Цяпер мужчына знаходзіцца ў лякарні і ідзе на папраўку.