У Беларусі кіроўцы электрамабіляў часова застануцца без зарадкі

• 4.08.2025, 20:44

Калі?

У Беларусі кіроўцы электрамабіляў часова застануцца без зарадкі.

Кампанія «Белтэлекам» папярэдзіла сваіх кліентаў пра правядзенне планавых тэхнічных працаў.

Яны закрануць электразаправачныя станцыі (ЭЗС) сеткі Evika!

Тэхнічныя працы запланаваныя на 5 жніўня – зарадкі будуць недаступныя з 04:00 да 06:00. Поўнае аднаўленне сэрвісу абяцаюць пасля заканчэння ўсіх неабходных працэдураў.

Сесіі, пачатыя раней, прадоўжаць функцыянаваць у звычайным рэжыме, калі скончацца тэхпрацы. А вось запусціць новую зарадку ў азначаны перыяд часу будзе немагчыма.

У кампаніі папрасілі прабачэння за магчымыя нязручнасці і растлумачылі, што працы накіраваныя на павышэнне надзейнасці і якасці паслуг ЭЗС.