Дроны атакавалі чыгуначную станцыю ў Валгаградскай вобласці РФ

• 4.08.2025, 7:32

У выніку нападу пачаўся пажар.

Уначы на панядзелак, 4 жніўня, беспілотнікі атакавалі чыгуначную станцыю Арчэда ў горадзе Фролава Валгаградскай вобласці Расейскай Федэрацыі. У месцы ўдару ўзнік пажар.

Пра гэта паведамляе расейскі Telegram-канал Astra.

Афіцыйнай інфармацыі пра атаку пакуль няма.

Паводле звестак Telegram-канала Exilenova+, беспілотнікі таксама знішчылі дыспетчарскае памяшканне на тэрыторыі станцыі.

Таксама адзначаецца, што праз атакі беспілотнікаў аэрапорты ў Валгаградзе і Тамбове часова спынілі прыём і адпраўку самалётаў.