Пяць краін просяць ад ЕЗ грошай на абарону мяжы з Беларуссю і Расеяй

• 30.08.2025, 20:01

Міністры абароны заявілі аб новай фазе гібрыднай вайны.

Літва, Эстонія, Фінляндыя, Латвія і Польшча накіравалі супольны ліст у Еўрапейскую камісію з просьбай аб дадатковым фінансаванні аховы замежных межаў Еўразвязу, піша Delfi.

У лісце міністры кажуць пра гібрыдную пагрозу з боку Беларусі і Расеі — ад міграцыйнага ціску і кібератак да дыверсій і дронаў з выбухоўкай.

Нядаўна ў Люблінскім ваяводстве Польшчы беспілотнік рэзнуўся ў кукурузнае поле і выбухнуў, выбіўшы шыбы ў суседніх дамах. Міністр абароны Польшчы назваў гэта правакацыяй Масквы.

А ў ліпені два беспілотнікі "Гербера" ўварваліся ў паветраную прастору Літвы з боку Беларусі, адзін з іх нёс 2 кілаграмы выбухоўкі.