Зяленскі правёў размову з Модзі

• 30.08.2025, 19:11

Прэм'ер Індыі падтрымаў патрэбу спынення агню.

Прэзідэнт Украіны Уладзімір Зяленскі правёў размову з прэм'ер-міністрам Індыі Нарэндрам Модзі, які падтрымаў неабходнасць спынення агню ва Украіне.

Пра гэта Зяленскі паведаміў у сваім відэазвароце.

«Толькі што я размаўляў з прэм'ер-міністрам Індыі Модзі менавіта пра тое, што цяпер адбываецца. Расея прадаўжае вайну, прадаўжае забойствы. Важна, што прэм'ер-міністр Індыі падтрымаў, што спыненне агню трэба і тады гэта будзе выразны сігнал, што Расея гатовая да дыпламатыі. Разлічваем, што гэта будзе гучаць на сустрэчах у Кітаі», - адзначыў прэзідэнт Украіны.

Зяленскі адзначыў, што расейскі дыктатар Уладзімір Пуцін толькі «тлуміць галаву лідарам і ўцягвае іх сабе ў суўдзельнікі».

«Адхіляе пагрозу санкцый, адкладае такім чынам. Больш нічога яго не цікавіць. Важна, каб мы разам даціснулі Расею да спынення вайны», - дадаў ён.