УСУ адкінулі ворага на Купянскім і Пакроўскім кірунках

• 30.08.2025, 15:22

Наступ украінскіх сіл паказалі на мапах.

Праціўнік панёс страты і адступіў у Міравым і Навасёлаўцы, у той жа час вораг спрабаваў прасунуцца паблізу Камышавахі і Міралюбаўкі.

Аб гэтым паведамляюць аналітыкі праекта DeepState.

«Супраціўнік адкінуты ў Міравым (Купянскі раён, Харкаўская вобласць) і Навасёлаўцы (Пакроўскі раён, Данецкая вобласць). Вораг прасунуўся паблізу Камышавахі (Валнаваскі раён Данецкай вобласці) і Міралюбаўкі (Пакроўскі раён Данецкай вобласці)», - гаворыцца ў паведамленні.