Лукашэнка завыў праз санкцыі

• 3.08.2025, 21:23

Дыктатар рыхтуе перастаноўкі ў МЗС.

У Менску ўпершыню з 2021 года адбылася нарада кіраўнікоў беларускіх дыпламатычных місій.

Пра гэта паведамілі ў Службе знешняй выведкі Украіны (СЗВУ).

Якая мэта замены

ФАРМАЛЬНАЯ мэта – адаптацыя знешняй палітыкі да ўмоваў нестабільнасці на міжнародных рынках.

РЭАЛЬНАЯ – пошук шляхоў эканамічнага выжывання пад санкцыйным ціскам.

«Лукашэнка паставіў дакладную задачу: знешнепалітычная служба павінна прыносіць эканамічную аддачу», – паведамляюць у СЗВ.

«Эканоміка кульгае, з экспартам праблемы», – прызнаў ён падчас выступу.

Паводле звестак СЗВУ, у найбліжэйшай перспектыве чакаецца замена часткі дыпламатаў на больш лаяльных і кіраваных асобаў. Гэта падкрэслівае: для Лукашэнкі МЗС – не знешнепалітычны інструмент, а мэнэджарская структура, задача якой – падтрымаць эканоміку ва ўмовах ізаляцыі.