Турцыя спыняе ўсе гандлёвыя і эканамічныя сувязі з Ізраілем

• 29.08.2025, 21:48

Пра гэта заявіў кіраўнік МЗС Турцыі.

Турцыя пастанавіла спыніць усе гандлёвыя і эканамічныя сувязі з Ізраілем. Анкара закрыла свае парты для ізраільскіх суднаў, а паветраная прастора - для самалётаў.

Пра гэта заявіў міністр замежных спраў Турцыі Хакан Фідан, паведамляе Anadolu.

Фідан адзначыў, што гэтыя крокі сталі адказам на дзеянні Ізраіля ў сектары Газа, а таксама на ўдары па Сірыі, Емене і Лібане.

Паводле яго слоў, Турцыя спыніла ўвесь гандаль з Ізраілем, закрыла сваю паветраную прастору для ізраільскіх самалётаў і не дазваляе турэцкім караблям заходзіць у ізраільскія Парты.

Турэцкія парты таксама забаронена выкарыстоўваць для кантэйнеравозаў, якія перавозяць зброю і боепрыпасы для Ізраіля.

«З удзелам 52 краін мы пачалі значную міжнародную ініцыятыву ў ААН, заклікаючы да спынення паставак зброі і боепрыпасаў, якія сілкуюць вайсковую машыну Ізраіля», - заявіў міністр.

Кіраўнік МЗС Турцыі назваў урад Ізраіля «расісцкім», а ваенную аперацыю супраць ХАМАС у Газе - «генацыдам».

Таксама Фідан абвінаваціў Ізраіль у пашырэнні акупацыі Галанскіх вышынь і нападах на сірыйскую тэрыторыю, уключаючы ўдары па Дамаску.