Зяленскі назваў кірунак, дзе сітуацыя самая сур'ёзная

• 29.08.2025, 18:31

Расейцы рыхтуюць наступальныя дзеянні.

Сітуацыя на Пакроўскім кірунку застаецца сур'ёзнай, заявіў на брыфінгу прэзідэнт Украіны Уладзімір Зяленскі.

«Пакроўскі кірунак - самы сур'ёзны сёння», - сказаў ён. «Яны [расейскія падраздзяленні] рыхтуюць у кожным выпадку наступальныя дзеянні», - сказаў Зяленскі (цытата па тэлеканале TSN).

Пакроўск - горад, размешчаны ў 66 км на паўночны захад ад Данецка. Ён знаходзіцца непадалёк ад адміністрацыйнай мяжы Днепрапятроўскай вобласці і кантралюецца ўкраінскімі вайскоўцамі.

Украінскі прэзідэнт адзначыў, што УСУ вядуць актыўныя дзеянні ў Харкаўскай вобласці і на Данбасе. Зяленскі дадаў, што на Запарожскім кірунку зменаў няма, «аднак там небяспечна».